جاتو الشيكولاتة الطبقات هناك العديد من النصائح التى يجب استخدامها عند تحضير الجاتو يجب اتباعها للحصول على أفضل النتائج ، أول معلومة قوام الكيكة عجين و لازم أثناء فرد كل قطعة يتم الفرد ببطئ و الا بتتشقق يعني تضغطي بالشوبك بالكرة و بتصير دائرة صغيرة بتقلبها وترشي بعض من الطحين و بترجعي بتمدي ليصير قرص ممكن تقطعي القرص بقطاعة كبيرة دائرية أو صينية أو إي أداة متوفرة لديك حتى يطلعوا الأقراص بالتساوى و شكل منتظم.

مقادير تجهيز جاتو الشيكولاتة الطبقات

• ١٠٠غ زبدة.
• بيضتين.
• ٢ ملعقة كبيرة كاكاو.
• ٢ ملعقة كبيرة عسل.
• نصف ملعقة كبيرة بيكربونات الصودا.
• كوب سكر.
• ٣و نص كوب دقيق.

عمل جاتو الشيكولاتة الطبقات

بطنجرة عالنار ذوبي الزبدة و ضيفي السكر و البيض بس انتبهي ما تكون الزبدة سخنة كتير مشان ما يستوي البيض و خلي الحرارة هادية و ضلي حركي، بعد ما يدوب السكر ضيفي الكاكاو و العسل و بيكربونات الصودا لازم تلاحظي الخليط يبلش يرتفع و يفور ضلي حركي دقيقة و بعدين شيلي الطنجرة من عالنار اضيفي نص كمية الطحين بالتدريج مع التحريك، يصير عندك مزيج سميك كمية الطحين البقيانة بتحطيها على الرخامة محل ما رح تشتغلي بحيث

تصبي فوقها خليط الكيك و لازم ينفرش المزيج فوق الطحين و ما يلامس الرخامة و بتضلي نطوي العجينة على بعضها وتقلب ع الطحين و بترجع ينطوى يعني ما بتعجبني بتضلك بتشدي و بتطوي و بتمرمغ بها بالطحين و هكذا لا تغيب كمية من الطحين و تتحول لعجينة متماسكة و رح يضل كمية من الطحين ع الرخامه رح نستعملها بفرد العجين
شكلي العجين بشكل طولي إسطوانه و قسميا ٨ قطع ( انا بقطعها ١٠ قطع لاني بستعمل قطاعه دائرية حجما ٢٥ سم ).

وتكوني مسخنه مي مغلية و تسكبي بطنجرة كبيرة و بتحطي القطع بطنجرة أصغر و بتحطيها جوا طنجرة المي الكبيرة حتى يصير عندك حمام مائي و تبقى القطع دافيات مشان ينفردوا معك بسهولة و غطي الطنجرة بمنشفة
و اذا بردت المي غيريا و رجعي حطي مي مغلية، رقي كل كرة بشكل رقيق و انا رقيتها بشكل دائري و قطعتا بقالب التارت الكبير مشان يكونوا نفس الشكل و القياس تقريبا ٢٥ او ٢٦ سم، اذا زاد معك عجين من تقطيع كل قطعه جميعهم بالاخير ممكن يشكلون كرة رح تكون ناشفة لذلك ممكن تضيفيلا مي سخنه و تعجنيا و تفرديا أنا هيك عملت لذلك زاد معي طبقة و صاروا ١١ طبقة.

اخبزي كل دائرة بصينية مدهونه زيت و رشة طحين لمدة من ٥ إلى ٧ دقايق حسب حماوة فرنك ممكن تحتاج أقل و انتبهي ما تحترق لانا فورا تستوي بعد ما تطلعيها من الفرن رح تكون رقيقة و سهل تنكسر لازم تنتبهي و انت ع متطلعا من الصينية، أنا بطالعها باني بقلب الصينية بحركة سريعة على طبق وإذا كانت لزقانه حاولي بشي رفيع تحرري الاطراف و رجعي قلبيا بسرعه بتنزل، تركيها تبرد و بعد ما تبرد بتصير قاسية متل البسكويت

حضري كريمة الحشو بين الطبقات

المقادير:

• 5 معالق كبار طحين.
• صفار 5 بيضات.
• ثلاث كاسات و ثلث كاسة حليب.
• زبدة 200 غرام.
• كوب و ثلث كوب سكر.
• فانيليا.

طريقة صنع جاتو الشيكولاتة

نخفق البيض ونصف كمية السكر و نضيف الطحين شوي شوي و و بعدين بنضيف الحليب الدافئ بالتدريج مع التحريك نضعهم عالنار و نحرك حتى يسمك بعدين منسكب الخليط بصحن و نغطي وجهو ببلاستيك شفاف ملتصق فورا بالكريما حتى ما تتشكل قشرة عالوش و منحطا بالبراد لتبرد شوي، بخفاقة البيض نخفق الزبدة والسكر البقيان حتى تنفش شوي و تصير متل الكريما ممكن السكر ما يدوب بس معلش رح نجيب الكريما اللي بالبراد بتكون بردت شوي لازم ما تكون سخنه و لا باردة كتير يعني تكون فيا شوية دفا بسيط نضيفا على كريمة الزبدة بالتدريج مع التحريك بالخفاقة حتى إنتهاء الكمية، ندهن كل الكريما بين الطبقات عدا عن الطبقة الأخيرة لا تدهن تقريبا كل طبقة ٤معالق كبار أو أكثر شوي اذا كانوا ٨ طبقات انا لانو طبقاتي اكتر و اصغر تقريبا الطبقة ٣ معالق كبار و يجب استهلاك كل كمية الكريما، الطبقة الاخيرة و الجوانب تغطى بصوص الشوكولا.

صوص الشيكولاتة:

المقادير:

• 6 معالق كبيرة سكر
• ٦ معالق كبيرة حليب دافىء
• ٢ معلقة كبيرة كاكاو
• ٣٠ غ زبدة
• نص علبة قشطة ( اختياري و لكن إذا ما استعملتها رح يطلع الصوص
• كميته قليلة لذلك يفضل بهالحاله تضاعفي كمية الصوص )

بطنجرة نضع المكونات و على النار مع التحريك حتى يثخن المزيج و نهدي النار ونبقى نحرك و إذا إحتجنا نضيف حليب حتى نصل للقوام والطعم المطلوب، نسكب الصوص و هو سخن على سطح الكيكة و نجعله ينساب على الجوانب ليغطيها أيضاً نتركها حتى تهدأ قليلا و يبرد الصوص ربع ساعه ثم نغطيها بغطاء علبة الجاتو و ندخلها البراد

أهم ملاحظة:

توضع الكيكة في البراد مغطاة و تقدم تاني يوم أو عالأقل ٦ ساعات في البراد حتى تطرى و تتشرب الكريما و رح تصير طرية تذوب ذوبان.

جاتو الطبقات بالشيكولاتة