وصفات الدجاج من أشهر المأكولات حول العالم نظرا لمذاقها الجيد وفوائدها العديدة للجسم، تختلف أنواع وطرق طهي الدجاج ومن أبرزها طريقة عمل الدجاج مشوى بالفرن،وسوف نذكر طريق مميزة لأنواع عديدة من التتبيلات لعمل الدجاج المشوى بنكهات ومذاقات كثيرة ومختلفة.

الدجاج المشوى بتتبيلة البهارات

• دجاجة.
• 2 ملعقة كبيرة صلصة.
• 2 ملعقة كبيرة خل.
• رشة جوزة الطيب.
• ملعقة صغيرة حبهان مطحون.
• 2 ملعقة صغيرة قرفة.
• ملعقة كبيرة بابريكا.
• ملعقة صغيرة كبابة صيني.
• ملعقة صغيرة بودرة ثوم.
• ملعقة صغيرة بودرة بصل.
• 2 ملعقة صغيرة بهارات دجاج.
• ملح وفلفل أسود.
• زيت نباتي.

طريقة

في بوله نضع الصلصة والخل والتوابل بودرة بصل بودرة ثوم بابريكا كزبره ناشفه بهارات فراخ قرفه حبهان مطحون جوزة الطيب والكبابة الصيني وملح وفلفل وزيت ونخلط المكونات حتي نحصل علي معجون نتبل بيه الفرخة من جوه وبرا وتحت الجلد ونربط الأرجل وتوضع في كيس الثلاجة وتحفظ في الفريزر لمدة 3شهور، مدة الشوي في الفرن 45 دقيقه إلي ساعه علي درجة حراره 220.

دجاج بتتبيلة البصل والليمون والروز ماري

• دجاجة أرباع.
• 2 بصلة.
• 2 طماطم.
• 4 فص ثوم.
• 2 عود روزماري.
• ربع كوب عصير ليمون.
• بشر ليمونة.
• ملعقة صغيرة بابريكا.
• ملعقة صغيرة قرفة.
• رشة جوزة الطيب.
• ملح وفلفل أسود.

الطريقة

في الكبه نضع البصل والطماطم والثوم والروز ماري ناخد اوراقه فقط وعصير ليمون وبشر الليمون والبابريكا والقرفه ورشة جوزة الطيب والملح والفلفل الاسود ونفرم المكونات ناعم جدا ونتبل بيها الفرخه من بره وتحت الجلد وتوضع في كيس الثلاجه وتحفظ في الفريزر لمدة3 شهور، مدة الشوي في الفرن 45 دقيقه علي درجة حراره 220.

دجاج بتتبيلة الكاري

• دجاجة.
• نصف كوب زبادي.
• بصلة.
• طماطم.
• ربع كوب عصير ليمون.
• 2 ملعقة صغيرة كركم.
• 2 ملعقة صغيرة بابريكا .
• 2 ملعقة صغيرة كزبرة جافة.
• ملعقة صغيرة كمون.
• ملعقة صغيرة جنزبيل مطحون.
• ملعقة صغيرة قرفة.
• ملعقة صغيرة حبهان مطحون.
• رشة جوزة الطيب.
• ملعقة كبيرة عسل.
• ملح وفلفل أسود.

الطريقة

في الكبة نضع الطماطم المقطعة أرباع والبصل المقطع أيضا ونضيف عليهم عصير الليمون والزبادي والعسل ونضيف التوابل الكزبرة وجوزة الطيب والكركم والكمون والفرقة والبابريكا وملح وفلفل اسود ونفرمهم كلهم مع بعض فرم ناعم جدا ونقوم بفتح الفرخة من الظهر وتتبيها بالتتبيله تحت الجلد وفي كل الفرخة ونضعها في كيس الثلاجة وتحفظ في الفريزر لمدة 3 شهور ، مدة الشوي في الفرن 45 دقيقه إلى ساعه علي درجة حراره 220.