فراخ محشية فريك من الأكلات المصرية القديمة، تتميز أطباق الدجاج المحشى بالطعم اللذيذ الشهي، تعتبر وجبة الدجاج بالفريك من الوجبات الكاملة المفيدة للجسم لأنها تحتوى على نسبة كبيرة من البروتينات والفيتامينات والألياف قي الفريك التي تعد من اهم الوسائل المساعدة للجهاز الهضمي في عملة، ويمتاز الطبق بانخفاض كمية السعرات الحرارية الموجودة بداخلة ليساعد في عملية أنقاص الوزن.

مقادير عمل فراخ محشية فريك

• فرخة.
• كبد وقوانص.
• (الحشوة):
• ٤كوب فريك.
• بصلة مفرومة.
• ملعقة صغيرة ثوم مفروم.
• ٢ملعقة كبيرة صلصة.
• زيت.
• ماء.
• ملعقة كبيرة قرفة.
• حبهان صحيح.
• ورق لاورا.
• ملح.
• فلفل أسود.
• (الوجه):
• ٢ملعقة كبيرة صلصة.
• ملعقة كبير زيت.
• ملح.
• فلفل أسود.

طريقة عمل الدجاج المحشو بالفريك

هنسخن حلة ونحط فيها معلقتين زيت وبصلة مفرومة والكبد والقوانص متقطعين قطع صغيرة ونقلبها لخاد ما تستوي وبعد كدة نحط التوم ونقلب والصلصة ونقلب وبعدين نحط الفريك (ويكون مغسول ومتصفي) ونحط بهاراتنا وهتكون (قرفة وحبهان وورق لاورا وملح وفلفل أسود) ونقلبهم مع بعض كلهم كويس لحاد ما يستوي وبعد كدة هنضيف ميه سخنة ومستوى الميه هيكون أزيد من الفريك بعقلة إصبع وأول ما يشرب الفريك الميه هنوطي النار عليه لحاد ما يستوي وبعدين نجيب الفرخة ونفصل الجلد عن اللحم من غيو ما الجلد يتقطع ونحشي الفريك تحت الجلد وجوة الفرخة ونقفل الفرخة بالوركين ولو إتقطعت حاجة من الجلد هنخيطها بخيط دوبار
بعد كدة هنحط حلة فيها ميه وبصلة وورق لاورا وحبهان وملح وفلفل أسود لحاد ما تغلي وننزل الفرخة فيها وتكون الميه مغطية الفرخة كلها وبعد ٥ دقائق هنوطي النار ونسيبها لمدة ساعة إلا ربع على الأقل
*مهم جداً*
منغطيش الحلة ومنعليش النار عشان الجلد ميفرقعش
وبألف هنا وشفا