سناكس رول الفراخ هو من أهم الأكلات التي انتشرت بكثرة في المطبخ الغربى، وبعدها انتقلت إلى باقى الدول وهذا الطبق يصنف من أنواع المأكولات من المقبلات التي تقدم في العزائم والمناسبات الخاصة، ما يميز هذه الأكلة أنها غنية بنكهات عديدة ومختلفة، يمكن تقديم طبق الرول الدجاج مع الشوربا ويمكن تحضيرها أن تكون مقلية أو مشوية حسب الرغبة.

مقادير عيش سناكس رول الفراخ

• ٢ كوب دقيق.
• نص معلقة صغيرة ملح.
• نص معلقة صغيرة سكر.
• ١معلقة صغيرة بابريكا.
• ربع كوب زيت.
• ماء للعجن.

الحشو

• فراخ جوليان مسلوقة.
• جبنة كريمى.
• فلفل كاريه.
• خيار مخلل مفروم.
• فلفل أسود.
• جبنة موزاريلا.
• الوجه السناكس
• زيت، صلصة، جبنة رومى مبشور.

طريقة عمل سناكس رول الدجاج

العيش :
نخلط المقادير الجافة ونقلبهم ونضيف المية ونعجن خمس دقائق .
نضيف الزيت ونكمل العجن كمان خمس دقايق.
نكور العجينة فى حجم كورة البنج بونج ونسيبها ترتاح لمدة نص ساعة.
نفردها زى الرقاق ونسويها على طاسة لمدة ٣٠ ثانية بالكتير على كل جنب.
نيجى بقى الحشو الفراخ:
فى بولة نخلط كل المقادير مع بعض ونقلبهم كويس قوى.
نحشى العيش ونلفهم ( زى الصور ) .
نرصهم فى صينية وندهن الوش بزيت وصلصة خفيفة .
نرش الجبنة الرومى ع الوش وندخلهم الفرن على حرارة ٢٠٠ لمدة ١٥ ق بالكتير.
وبألف هنا.

سناكس رول الدجاج بطريقة الشيف وحيد كمال